BIZIKLETA EGUNA 2016: ESAN AGUR ERREGAI FOSILEI

Cartel Bizikleta Eguna 44 kb-1Bilboko hiri txirrindularien Biziz-Bizi taldeak Bizikleta Eguna antolatu du maiatzaren 8an. 12 km-tako bizikleta martxa antolatu dugu, Bilboko Arriaga plazatik aterako da 12-etan, eta hori baino lehen taierrak eta bizitrukea egongo dira. Umeentzako lau kilometrako bizikleta martxa egongo da ere bidegorrietatik.

Hirurak aldera indabajana izango dugu Ekoetxean, Alde Zaharreko Pilota kalean.

Maiatzaren 4-tik 15-era gauzatuko den 350.org elkartearen nazioarteko kanpainan parte hartzera goaz gure “Bizikleta Egunarekin”. Kanpainaren leloa hauxe da: Esan agur erregai fosilei, askatu zaitez!.

Kanpaina honetan, mundu mailako ekintzaileek ekintza zuzenak garatuko dituzte erregai fosiletako proiekturik arriskutsuenen aurka: ikatza, petrolioa eta gasa lur azpian utzi eta % 100 berriztagarriak diren energietan oinarrituriko mundu bidezkoago bat lortzeko trantsizioa sustatuz.

Guk Bizikleta Eguna antolatu dugu, gure helburua kotxea protagonista ez duen bestelako hiri-eredua aldarrikatzea da, mugikortasun jasangarri eta aktiboari lehentasuna emanez eta CO2 isuriak murriztuz.

(Biziz Bizi-ren komunikatua,  info@bizizbizi.org)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude